До крајот на денов времето во нашата држава ќе се задржи сончево и топло со мала до умерена локална облачност. Ќе дува слаб до умерен ветер претежно од југоисточен и од југозападен правец, максималните дневни температури на воздухот ќе се искачуваат во интервалот од 20 до 26 степени.
Во Скопје и околината ќе биде сончево и топло со мала локална облачност. Ќе дува слаб до умерен ветер од југоисточен правец, максималната дневна температура се очекува да се искачи до околу 24 степени.
Утре попладне и навечер локално ќе има повеќе облачност кога ќе има услови за ретка појава на краткотраен локален дожд. Потоа во следните денови и понатаму ќе имаме претежно стабилно, суво и уште потопло време.
На почетокот од следната недела максималните дневни температури ќе се искачуваат во интервалот од 22 до 30 степеи.
Земјоделците се на почеток на новата сезона и ова се oдлични услови за извршување на агротехничките мерки во лозарството, овоштарството, градинарството и поледелството како и за садење на тутунот.
Временската прогноза ја подготви Славчо Попоски
