Украина тргна по соседна Романија и Русија кои овој месец го ограничија извозот на жито , поради пореметувањата предизвикани од глобалната пандемија КОВИД – 19.
Тарас Вајсоцки, заменик министер за земјоделство, најави за Ројтрес, дека владините службеници за тоа прашање ќе разговараат оваа недела.
Иако не кажа зошто се разгледува оваа одлука, логично е да се заклучи дека, на некој начин тргнале по соседна Романија, но и Русија кои овој месец го ограничија извозот на житарици а поради пореметувањата предизвикани со глобалната пандемија КОВИД 19.
Украина да потсетиме, во сезоната 2018/2019 извезе рекордни 50,4 милиони тони жито, мешунки и брашно, што е за 23 отсто повеќе во однос на претходната сезона. Собраа скоро 36 милиони тони пченка.
Порано овој месец овде соопштија дека се подготвени да го забранат и извозот на пченица до крајот на 2019/20 на економската година ако продажбата ги надмине договорените ограничувања.
Русија воведе квота од седум милиони тони жито
Кога станува збор за Русија, уште на крајот на месец март донесоа резолуција за квантитативното ограничување на извозот на жито во државите кои не се членки на Евроазијската економска унија (EAEU). За да го одржат економскиот развој во периодот на ширење на инфекцијата со корона вирусот, до 30 јуни воведена е квота од седум милиони тони пченица, рж, јачмен и пченка. Откако ќе се потроши оваа количина, порачките надвор од EAEU ќе бидат запрени.
На основа на досегашното темпо на пополнување на квотите, се очекува дека извозот ќе биде запрен веќе на средината на мај. Во Русија не планираат да ги зголемат квотите за второто тромесечје, а нивното министерство за земјоделство би можело овој механизам да го задржи и во новата економска сезона 2020/21, изјави овој месец Оксана Лут, заменик министерка за земјоделство.
Од овие ограничувања најмногу стравува Египет, најголем светски потрошувач на пченица кој резервира 180.000 тони како би ги осигурал стратешките резерви во текот на пандемијата.
Извор: Агроклуб.рс
