Откако ја исполни квотата од седум милиони тони до крајот на јуни, Русија привремено го запре извозот на житарки.
Во неделата руската квота за извоз на житарки службено е исполнета и ваа земја го запира извозот на житарки до 1 јули. Претходно Русија ја ограничи квотата за извоз на житарки на седум милиони тони. Аналитичарите очекуваа дека квотата ќе биде исполнета дури во средината на јули.
Како што јавува Ројтерс, консултантската куќа ИКАР проценила дека извозот на житарки од Русија во април изнесувал нешто повеќе од четири милиони тони и дека преостанале околу три милиони тони.
Почетокот на април Русија на Саудиска Арабија и ги испорача првите 60.000 тони житарици, седум месеци откако е постигнат договор на двете држави за намалување на рестрикциите на трговијата.
Русија е најголем извозник на житарици во светот, а најголеми увозници на руските жита се Турција, Египет и Бангладеш. Египет чека уште три испораки помеѓу 15 мај и 3 јуни.
Од први мај 2019 до 16 април, рускиот извоз на житарици изнесуваше 33,2 милиони, што е пад од 13% во однос на претходната година. Извозот на пченица во истиот период изнесувал 28,5 милиони тони.
