Откако ги изгубивме шекерната репка, памукот, афионот и голем број на други земјоделски култури во Македонија од догодина многу веројатно е дека ќе ја снема и една од најзначајните култури со стратешко значење – сончогледот од кој се прави домашно малсло за јадење. Единствениот сериозен откупувач велешката фабрика Кристал предупредува дека ако итно не се преземат мерки да се зголемат површините под сончоглед, фабриката заради малите количини и нерентабилноста ќе престане со откуп, информира Канал5.
Освен за потрошувачите за кои е многу важно да имаме домашно производство на масло за јадење за во време кога може да се забрани извоз од соседните земји како што тоа беше во време на короната, за земјдоелците пак сончогледот има особена важност што ќе имаат можност да применат плодоред и плодосмена на своите ниви а со тоа да си ги зголемат приносите на житатата .
