Утрово е најстудено на Попова Шапка, 4 степени, а максимални 13 се измерени во Штип и Демир Капија. Шест степени е во Крушево, 7 во Маврови Анови, 8 во Охрид, Претор и Прилеп, 9 во Тетово и Берово, 10 во Скопје-Зајчев Рид, Битола, Крива Паланка, Кавадарци и Струмица, 11 во Скопје-Петровец и Виница, како и 12 степени во Велес и Гевгелија.
Според УХМР, изминатите 24 часа најмногу врнежи имало во Маврови Анови, 31 литар на метар квадратен. Водниот талог е 25 литри на единица површина во Пожаране, 22 на Попова Шапка, 16 во Тетово, 13 во Охрид, 10 во Крушево и Претор, 6 во Скопје-Зајчев Рид и Прилеп, 3 во Скопје-Петровец, Тополчани, Пожар-Радовиш, 2 во Крива Паланка, Битола, Виница и Кавадарци, како 1 во Велес, Демир Капија, Струмица, Гевгелија и Берово.
Времето денеска ќе биде променливо облачно со повремени локални врнежи од дожд, пообилни во крајните југозападни делови (над 20 l/m2). Ќе дува умерен, наместа долж Повардарието повремено засилен јужен ветер. Дневната температура ќе биде во интервал од 15 до 20 степени.
Во Скопје променливо облачно, попладне и во вечерните часови со повремен дожд. Ќе дува умерен јужен ветер, кој во делови од котлината повремено ќе засилува. Максималната температура ќе достигне до 20 степени.
МИА
