Козјото млеко по својот состав е многу слично на мајчиното млеко и спаѓа во најздравите намирници со голем број лековити својства.
Многу години ова млеко освен во исхраната се користи и како лек за многу болести како што се: бронхитот, алергиитте, се користи за зајакнување на имунитетот, лечење и зајкнување на белите дробови. Истражувањата покажале дека ова млеко многу подобро го поднесува нашиот систем за варење отколку кравјото млеко. Козјото млеко содржи ниско ниво на алергени, брзо се вари и целосно се апсорбира.
Истражувањето кое го спровело списанието „International Journal of Food Science Nutrition“ открива дека козјото млеко во основата на својата ДНК има голема сличност со структурата на ДНК на човечкото млеко, поради што би можело да се вклучи во формулата која ќе ја подобри исхраната на доенчињата.
Со козјото млеко постигнати се добри резултати при лечењето на разни пореметувања кај луѓето кои страдаат од срцеви болести, детска епилепсија, фиброзни цисти, болести на жолчката и т.н.
Козјото млеко изобилува со калциум и фосфор кои се неопходни за зајакнувње на коските. Исто така содржи и цинк, селен и многу силни антиоксиданси . Голем број научници, козјото млеко им го препорачуваат на луѓе кои страдаат од анемија, односно при недостаток на железо во крвта.
Ова млеко е богат извор на биоразградлив калциум, железо, фосфор, магнезиум, а карактеристично е и тоа што овие минерали во козјото млеко ги има во многу поголема концентрација, отколку во кравјото млеко. Исто така козјото млеко содржи 40 % помалку цитрати од кравјото млеко.
Со оглед на тоа дека козите ја јадат кората од растенијата значи дека нивното млеко е богато со силициум, а тоа е минерал кој позитивно делува на кожата, косата, ноктите и нервниот систем.
Исто така содржи и голем број протеини богати со важни аминокиселини, витамини и не содржи тешко сварливи масти. Има помалку лактоза од кравјото млко, па се препорачува за луѓе кои се осетливи на лактоза.
Кај децата кои се хранети со козјо млеко забележан е брз раст и подобра минерализација на коските, во однос на децата кои се хранеле со кравјо млеко.
Сурутката, козјото сирење и јогуртот се едни од најмоќните природни средства кои го зајакнуваат имунитетот кај децата. Исто така овие намирници се препорачуваат како превенција и терапија кај луѓето со остеопороза, покачен холестерол и крвен притисок, кај воспалителни процеси и за подобрување на работата на црниот дроб и бубрезите.
