Тринаесетгодишниот Милош Јеличиќ од Босански Петровац ја превземал целата работа на едно селско домаќинство откако татко му починал пред шест години.
-Првпат седнав во трактор кога имав четири години. Се заинтересирав и за обработка на почвата. Татко ми ме научи како да работам па веќе сум навикнат на тоа. Не е тешко – вели тринаесетгодишниот Милош Јеличиќ, пренесува Српскаинфо.
Милош е и многу добар ученик. После училиште, вели, нема одмор, бидејќи работата не чека.
Како што гледате, ова е моја стока и околу ова се собира сено во текот на половина година и јас се грижам за него. Продавам млеко и сирење и тоа ми помага да заработам. Животот на село не е толку тежок како што многумина велат – вели Милош.
Мајката на Милош Снежана вели дека има три деца, но истакнува дека Милош и е десна рака. Уште од мал научил да работи се и да и помага.
-Ништо не му е тешко. Се работи и помага, а на другите деца би им кажала да бидат како мојот Милош – вели мајката на Милош, Снежана Јеличиќ.
А Милош навистина може да биде пример за своите врсници, но и за оние кои се многу постари од него. Не сонува за скапи работи, туку само се’ дома да биде како што треба, пренесува ATV.
