Состојба на земјоделските култури во Република Северна Македонија и агрометеоролошка прогноза за периодот после 28.02.2020 година:
Продолжувањето на сушата и невремето во Скопската котлина беа главна одлика на изминатата седмица, особено силниот ветер кој предизвика штети кај пластеничкото производство.
Врнежите од дожд и снег на планините каде незначително се надополни снежната покривка сеуште нема никаква гаранција за решавање на проблемот со ниските водостои на реките и со полнењето на вештачките акумулации.
Во наредната седмица променливото време треба да донесе нови врнежи кои во ваква состојба се повеќе од добредојдени и истите земјоделците треба да ги искористат онаму каде не е завршено првото прихранување на есенските посеви.
Температурите на воздухот кои треба да достигнат и околу 20оС ќе предизвикаат будење на вегетацијата долж Повардарието и во јужните делови од Републиката кај коскестите видови овошки, додека утринските минимални температури ќе се движат во границите на издржливост на овошките во фаза на затворен цвет или почеток на цветање.
Сепак невообичаено многу рано се случуваат овие процеси, а условите за ниски минимални температури сеуште постојат.
Извор – УХМР
Утре во раните претпладневни часови во западните делови ќе има локален слаб дожд, додека преку денот насекаде ќе биде сончево со умерена облачност. Ќе дува умерен, а во западните подрачја повремено засилен ветер од југозападен правец.
