Денеска бев во посета на Битолскиот регион, каде заедно со директорот Бабовски извршивме увид во градежните активности за реконструкција на патот кој го поврзува село Кажани со село Маловишта.
За овој зафат, Владата обезбеди средства во износ од 16,3 милиони денари. Со овие средства за прв пат по цели 40 години патот Кажани – Маловиште ќе се прошири и ќе се реконструира, со што значително ќе се подобри протокот на добра и услуги, ќе се зголеми безбеденоста во сообраќајот и ќе се овозможи развој на руралниот туризам бидејќи селото Маловиште е единствено населено место во склоп на Националниот парк Пелистер.
Општина Битола преку Програмата за рурален развој аплицираше со три проекти, во вкупна вредност од околу 27 милиони денари.
Фејсбук статус на Трајан Димковски – министер за земјоделство, шумартсво и водостопанство
