Во следниот период Агенцијата за поддршка на земјоделството и руралниот развој административно ќе ги реализира исплатите за предадена пченица, задржано јагне и јаре, заклани гоеници, заклано јагне како и произведеното и предадено млеко од третата фаза за 2022 година.
Директорот на АФПЗРР, Никица Бачовски информира дека до крајот на оваа недела ќе има исплата од Интервентниот фонд на 3 денари за килограм предадена или складирана пченица во период од 15 јуни до 31 август.
По доставените материјали од извршните надзори од Државниот инспекторат за земјоделство, административно се обработени сите субјекти кои имаат предадено или складирано пченица во период од 15 јуни до 31 август 2023 година. До крајот на неделата сите субјекти кои ги исполнуваат условите, односно се земјоделски стопанства кои пријавиле површини со полјоделски култури за програмата за финансиска поддршка во земјоделството ќе добијат субвенција од 3 денари по килограм продадена или складирана пченица – изјави за Агротим, Бачовски.
