Заедно со нашите европски партнери низ конкретни проекти напредуваме во реформската агенда и докажуваме дека пристапувањето во ЕУ не е само политички процес, туку и економски, со конкретни придобивки за граѓаните.
Инвестициската рамка за Западен Балкан (WBIF) во која аплицираме на секој повик и во која имаме редовно поддршка на проекти, одобри 24 милиони евра грантови за три проекти, во секторите енергетика и транспорт и тоа:
Грант во износ од 2,2 милиони евра, а вкупната инвестиција од 27,5 милиони евра, поддржана со заем од Светска банка за проект за енергетска ефикасност во јавниот сектор.
Грант во износ од 8 милиони евра, а вкупната инвестиција од 34,7 милиони евра е поддржана со заем од ЕБРД, за зајакнување на мрежата за пренос на струја во југоисточен регион.
Грантот во износ од 14 милиони евра за Коридор 8 за експресниот пат Крива Паланка Страцин, со вкупната инвестиција од 36,7 милиони евра, поддржана со заем од Светска банка.
Инвестицијата на ЕУ во нашата држава е клучна за исполнување на европските стандарди и нивно приближување кон граѓаните. Затоа вреди да се остане на европскиот пат и да се искористат сите можности и програми кои ги носи членството за развој.
Фејсбук статус на Бојан Маричиќ
