На 31 мај и 1 јуни годинава на Копаоник ќе се одржи најголемата регионална конференција за агробизнис „GROW UP – силата на земјата“, соопштија од Стопанската комора на Србија.
Како што е наведено, на конференцијата, организирана од Министерството за земјоделство, шумарство и водостопанство на Србија и Стопанската комора на Србија, на едно место ќе се соберат најрелевантните експерти, институции, претставници од земјата и регионот, сопственици на фарми, засегнати страни, експертска јавност од областа на земјоделството и прехранбената индустрија.
На присутните ќе им се обратат домашни и странски еминентни научници и професори, највисоките функционери на Владата на Србија, министри од регионот вклучително и од Македонија, Република Српска, Црна Гора, претставници на меѓународни институции, ЕУ, јавни претпријатија, како и деловната јавност.
Во текот на двата дена на пет панели ќе зборуваат повеќе од 30 експерти од регионот, а повеќе од 400 присутни ќе имаат можност да слушнат пораки од експерти од целиот свет.
Посебна тема ќе биде влијанието на климатските промени, состојба која веќе некое време е значајно глобално прашање.
Ќе се организираат пет панели: Дигитализација на земјоделството, потреба и можност, Улога на ИПАРД фондовите и финансирање на земјоделството, Синџири на снабдување и можност за извоз, Регионално поврзување како развојна можност и влијание на климатските промени.
