Министерот за земјоделство, шумарство и водостопанство, Љупчо Николовски денеска во Брисел одржа работен состанок со европскиот комесар за земјоделство, Јануш Војчиеховски.
„Заедно со директорот на АФПЗРР Никица Бачовски, ги споделуваме нашите ИПАРД резултати. Како земја лидер во регионот по искористеност на средствата од ИПАРД 2, подготвени сме за уште една успешна приказна со новата ИПАРД 3, со зголемени средства за уште поголеми инвестиции и модернизација на македонското земјоделство. На состанокот со еврокомесарот Јануш Војчиеховски ја прензетирав успешната реализација на ИПАРД 2 програмата, но и подготвеноста за почеток со новата програма ИПАРД 3.
Довербата која ја добивме како земја лидер од Европската комисија со зголемувањето на буџетот за новата ИПАРД 3, ќе ја потврдиме преку ставање на располагање на средствата со објавување на јавни повици, како и акредитација на нови мерки за инвестиции во руралната инфраструктура и советодавните услуги“. рече Николовски.
