Министерот за земјоделство на Холандија, Пит Адема, соопшти дека е откриен случај на кравјо лудило.
Инфекцијата била пронајдена кај мртва крава на 30 јануари, рече Адема во писмо до парламентот, без да прецизира на која фарма е пронајдено животното.
Инфекцијата ја проучуваат стручни лица со цел да се утврди дали се работи за таканаречен нетипичен или класичен тип на инфекција, т.н. спонгиоформна енцефалопатија.
Атипичната варијанта може да се појави како резултат на возраста, додека класичниот тип на инфекција најчесто е предизвикан од контаминирана добиточна храна. Атипичните случаи, кои повремено се откриваат во последниве години, може да доведат до привремени трговски ограничувања.
