Земјоделските навики за палење на стрништата по жетвата на оризот не се менуваат. Палењето стрништа после секоја жетва претставува сериозен проблем во источниот регион, јавува 24ТВ.
Државата не може да најде ефикасен механизам да го сопре палењето, а експертите посочуваат дека недостигот на соодветна механизација е всушност главната причина за секоја година нивите во Кочанско поле да горат.
Палењето стрништа е сериозен проблем што прави огромна штета. Го загадува воздухот, а со сламата по жетва горат и неожнеани ниви и овоштарници и сето ова земјоделците го знаат, но не гледаат поинаков начин за отстранување на сламата од нивите.
Од кочанската противпожарна единица сопопштија дека секоја година периодов после жетва, а пред сеидба 80 отсто од интервенциите се на пожари на отворен простор од кои најчесто се запалени суви треви, диви депонии, ожнеани површини кои се прошируваат и на околните ниви.
