Новиот концепт за земјоделско осигурување на кој министерството работи нема цел да наметне нов трошок на земјоделците, туку напротив нуди решение за уште едно повеќе децениско прашање кое ги мачеше земјоделците. Оттука, министерството за земјоделство, шумарство и водостопанство реагира на изнесените невистини од страна на политичката партија Левица.
Во интерес на јавноста би сакале на кратко да информираме што точно се предвидува со новиот концепт за земјоделско осигурување.
Концептот кој го работи министерството предивидува формирање на осигурителен пул, чија цел ќе биде осигурување на земјоделското производство на сите земјоделци. Побрзо и подобро ситемско решение преку кое земјоделците исплатата на настанатата штета ќе ја добиваат во текот на истата година кога е настаната штетата.
Реализацијата на овој нов концепт за земјоделско осигурување е предвидена со неповратени средства од Зелен климатски фонд и првите три години земјоделците целосно ќе бидат ослободени од трошоците за осигурување, а како ќе заживува концептот нивните трошоци за учество, по овие три години би биле минимални.
Висината на полисите ќе ја утврдува државата и тие ќе бидат драстично пониски, со многу поголем опфат на ризици од досегашните полиси. Со новиот модел земјоделците добиваат уште една предност, односно се зголемува процентот за исплата на штетите, од досегашните најмногу до 10%, на намјалку 40% од утврдената штета.
Земјоделското осигурување ќе биде задолжително и поврзано со исплатата на субвенциите во оној момент кога концептот целосно ќе заживее и ќе се донесе законот, кој заедно со земјоделците се подготвува.
Изминатиов период министерството за земјоделство, шумарство и водостопанство започна со реализиација на повеќе мерки за заштита на земјоделските површини од природни непогоди. Системот за авионско засејување на градоносните облаци помага во намалување на штетите предизвикани од град и досега даде одлични резултати. Постоа министерството нуди и мерка за поставување на заштитни мрежи за овошните и лозови насади. Како никогаш претходно се инвестира во во изградба на брани и системи за наводнување на земјоделските површини, а преку Програмата за Рурален развој обезбедуваме поддршка на земјоделците во поставување на системи за наводнување капка по капка и бунари.
Како министерство многупати сме докажале дека сме вистински партнер на земјоделците и заедно со нив посветено работиме во креирање на мерки и решенија на сите проблеми кои со години ги мачат земјоделците, развивајќи го македонското земјоделство.
