Компанијата „Yara International“ е еден од најголемите светски производители на амонијак за употреба во земјоделството. Тие го започнаа проектот Yuri, во кој Yara Clean Ammonia, во соработка со компанијата ENGIE, работи на изградба на објект за производство на водород од обновливи извори.
Целта е да се обезбеди суровина за амонијачните процеси во Западна Австралија. Објектот ќе биде изграден во близина на производниот погон на безводен амонијак.
Тоа е сосема нов тип на индустрија, велат тие, каква што не постои никаде во светот. Целта на самиот проект е да придонесе за декарбонизација на рударскиот сектор и производството на водород и амонијак во Западна Австралија, како и воспоставување на нов индустриски синџир на вредност.
На овој начин ќе се добие обновлив амонијак и амониум. Важноста на проектот беше препознаена од австралиската влада која ја поддржа со 47,5 милиони австралиски долари, а Владата на Западна Австралија со 2 милиони австралиски долари.
Се планира изградбата да започне сега, а овој вид на водород првпат би требало да биде испорачан во фабриката за амонијак во 2024 година.
640 тони зелен водород годишно
Проектот Yuri вклучува електролизер од 10 MW, соларни фотонапонска енергија од 18 MW и складиште на батерии. Кога ќе биде завршен, проектот ќе биде еден од најголемите електролизери во Австралија, способен да произведува до 640 тони зелен водород секоја година.
Произведен на овој начин ќе може да се користи на различни начини и да ја намали нашата зависност од фосилните горива. Предност е, посочуваат од Yarа, што тој дава можност за безбедно складирање и транспортирање на водородот преку негово претворање во течност или сол.
