Поради кризата со гасот можно е да се запре производството на амонијак во фабриката на водечката хемиска компанија BASF на локацијата во Лудвигшафен, Германија. Тој прекин би можел да се надомести со производство во погоните во Белгија и во САД.
Германија е многу зависна од рускиот природен гас, кој е основна суровина за производство на амонијак. Токму тоа е ограничувачкиот фактор за погоните на оваа компанија.
Извозот на гас од Русија во Европа е намален за 30 до 50 отсто во последните две недели. Се очекува општа енергетска криза, а индустријата за хемиски и вештачки ѓубрива би можела да остане без доволно количини основни суровини, што го погоди и BASF, најголемиот светски снабдувач со хемикалии.
Менаџерскиот тим на компанијата никогаш не се соочил со ваква ситуација, а отворена е опција која предвидува затворање на комплексот. Со овој потег, 39.000 вработени во германската фабрика би останале без работа, а европската економија и производството на храна би биле загрозени.
Белгиските погони како решение
Во Лудвигшафен за производство на амонијак и ацетилен најмногу трошат токму гас и затоа постои ризик од исклучување во случај на прекин на снабдувањето со руски гас.
Излез гледаат во фабриката во Антверпен, Белгија, која е помалку зависна од увоз од Русија и го користи во количина од пет до 10 проценти. Вториот дел од количините би го произведувала американската фабрика која е изградена во соработка со норвешката „Јара“.
Извор: agroklub.com
