Министерот Љупчо Николовски на својот фејсбук-профил објави дека е исплатена поддршката за предадено јагне.
„Исплатени 72.1 милиони денари поддршка за предадено јагне во регистриран кланичен капацитет до 1615 одгледувачи на овци. Како корисници на оваа мерка се јавуваат одгледувачи на овци, кои имаат предадено јагне во регистриран кланичен капацитет во период од 1 јануари 2022 до 31 мај 2022 година.
Преку оваа интервентна субвенција на одгледувачите на овци им се доделува финансиска поддршка од 400 денари по грло за предадено јагне во регистриран кланичен капацитет.
И во време на светска криза, МЗШВ останува посветно во поддршката и грижата кон секој еден земјоделец.“, напиша Николовски.
