За новиот концепт на осигурување и заштита на земјоделското производство и резултатите од донесените мерки за поддршка на домашното производство пред се на житни култури, министерот за земјоделство Љупчо Николовски зборуваше на гостувањето во емисијата Македонија наутро на МРТ 1.
„Концептот кој го работиме за осигурување на земјоделското производство има за цел да бидат осигурани сите земјоделци. Тоа ќе биде и еден од условите за исплата на субвенциите, а земјоделците повеќе нема да бидат во страв и незивесност.
Предвидува висината на полисите да ја утврдува државата, тие да бидат пониски, а со многу поголем опфат на ризици од досегашните полиси. Потоа донесување на нов закон за осигурување во земјоделството каде што се регулира и исплатата на штетата кон земјоделецот. Подготвивме ново побрзо и подобро решение за земјоделците, односно исплатата за настаната штета да биде извршена во текот на истата година кога е настаната штетата.
Граѓните можат да бидат спокојни, ќе имаме доволни количини на стратешки култури и доволно храна. Навремено подготвивме мерки за поддршка на секој еден земјоделец преку Националниот план за производство на храна.
Радува големиот интерес кај земјоделците за аплицирање по мерките за поддршка при набавка на вештачко ѓубриво, како и големиот интерес со склучени 258 договори за земјоделско земјиште за обработка на житни култури. Овозможивме и дополнителна мерка од 100 евра за остварен зголемен принос од еден хектар па нагоре за површини под житни култури.
Добрата откупна цена која ја има за јачменот, а очекувам добра цена и за пченицата, но и добар принос, ги потврдува резултатите од мерките за поддршка на домашното производство. Она на што инсистираме овој период е целото домашно производство на стратешки култури, пред се, да заврши во домашни преработувачки и откупни центри.“, рече меѓу другото министерот.
