Индискиот министер за надворешни работи, Субрахмањам Џаишанкар изјави дека Индија може да обезбеди повеќе пченица доколку дозволат прописите на Светската трговска организација (СТО), пренесува агенцијата Анадолија.
Објаснувајќи го ставот на Индија за во руско-украинската војна и за намалувањето на понудата на пченица на регионално и глобално ниво поради војната, Џаишанкар за „Тајмс оф Индија“ рече дека Индија сака да игра поголема улога во глобалните работи.
Нагласувајќи дека се подготвени да го затворат дефицитот предизвикан од прекинатото производство на пченица поради руско-украинската војна, Џаишанкар додаде дека можат да набават повеќе пченица доколку дозволат регулативите на СТО.
Анадолија потсетува дека поради руско-украинската војна, одгледувањето на пченица и залихите се значително намалени, а исто така може да има и проблеми при снабдувањето со некои основни прехранбени производи.
