Производството на сончогледово семе во Украина би можело да падне за 42 отсто, на 9,6 милиони тони во 2022 година поради драстично намалената површина за сеење поради рускиот напад, проценува земјоделската консултантска компанија АПК-Информ.
Површините засеани со сончоглед во Украина би можеле да се намалат во 2022 година на најниско ниво во последните 13 години, на околу 4,2 до 4,4 милиони хектари, или 35 отсто во споредба со нивото од 2021 година, објави АПК-Информ.
„Ова намалување е последица на тоа што голем дел од борбите во Украина се концентрирани во главните региони за одгледување сончоглед“, наведуваат од консултантската куќа.
Украина е најголемиот светски производител на семки од сончоглед и извозник на сончогледово масло.
АПК-Информ, исто така, процени дека производството на семе од репка во Украина може да падне за 19 отсто на 2,52 милиони тони, додека производството на соја најверојатно ќе падне за 23 отсто на 2,74 милиони тони.
Во Украина веќе започна пролетната сеидба.
