Наглиот пораст на цените на свинското месо е сосема нова ситуација за сите учесници на пазарот, коментираат аналитичарите од Германското здружение за одгледување свињи (ISN). Тоа не е случај само во Германија. Котациите вртоглаво растат во сите земји членки на ЕУ, пренесува Аgrarheute.
Дополнителен скок предизвика конфликтот во Украина и зголемувањето на производствените трошоци, пред сѐ на енергентите и добиточната храна.
Во многу земји, намалувањето на производството е комбинирано со поголема побарувачка поради ублажување на мерките за корона вирусот и поволните временски услови за подготовка на храна на отворено – популарната скара.
Во неделниот извештај на Германското здружение на производители се наведува дека се забележуваат силни скокови на цените за вкупно 43 центи по килограм свинско месо за само две недели.
За периодот од 17 до 23 март, Здружението на организации на производители за сточарство и месна индустрија (VEZG) ја соопштиле цената на свинското месо од 1,85 евра. Посочуваат дека растат за 10 центи во однос на претходната котација, а сегашниот опсег им е меѓу 1,85 и 1,95 евра за килограм.
Бројот од 224.000 свињи регистрирани за ставање во промет повторно е значително помал во однос на претходната недела кога беа регистрирани 229.000 свињи, што е уште една причина за растот.
Цената на прасиња од 25 килограми за периодот од 14 до 20 март изнесувал 55 евра по грло, што е за 13 евра повисока од претходната недела, а се очекува и натамошен нагорен тренд.
Кога станува збор за грлата за колење, во периодот од 17 до 23 март изнесувала 1,20 евра за килограм. Во однос на претходната недела, просечната цена пораснала за дополнителни 10 центи.
Распонот на вредности се движи меѓу 1,20 и 1,25 евра и продолжува да покажува тренд на раст.
