Додека извозот на житарки од Европа продолжува да расте, мелниците и производителите на добиточна храна купуваат повеќе стоки во услови на ескалација на конфликтите во Црното Море и цените кои значително паѓаат од време на време, известуваат трговците и аналитичарите. Но, денеска Ројтерс објави дека ескалацијата на конфликтот меѓу Русија и Украина ја зголемува вредноста на житарките и храната воопшто, а купувачите се принудени да бараат алтернативни пазари.
Кумулативниот извоз на пченица од Европската Унија од 1 јули до 12 февруари изнесувал 18,2 милиони тони, а во истиот период минбатата година 17,5 милиони тони. Расте побарувачката за пазарите во Кина, Блискиот Исток и Северна Африка. Најзначајни откупувачи на европската пченица во тековната сезона се: Алжир, Египет, Кина, Нигерија и Јужна Кореја. Мароко беше погоден од катастрофална суша што ја принуди владата да го зголеми увозот.
До 12 февруари 2022 година извозот на фуражниот јачмен се проценува на околу 5,1 милион тони, што е за 300.000 тони повеќе од истиот период минатата година. Најголем извозник е Франција со 2,36 милиони тони, пред Романија со 1,56 мил иони тони. На трето место е Германија со 713.000 тони. Најзначаен купувач е Кина со два милиони тони, а потоа следат Саудиска Арабија, Јордан, Турција и Алжир.
