Програмата за Директни плаќања за 2022 година се усвои на седница на Влада. Ви пренесуваме дел од Уредбата за поблиските критериуми за директни плаќања, корисниците на средствата, максималните износи и начинот на директните плаќања за 2022 година што се однесува за овошните и лозовите насади.
1.7. Директни плаќања по обработлива земјоделска површина за одржување на постоечки овошни насади
-Корисници на оваа подмерка се земјоделските стопанства кои имаат минимум 0,2 ха површина со постоечки овошни насади збирно за сите овошни видови и се регистрирани во Единствениот регистар на земјоделски стопанства;
-Прифатлив минимален број на овошки по хектар за секој овошен вид одделно е даден во Табела за минимален број на овошки – садници по хектар за постоечки производни овошни насади по овошни видови во Прилог 4 кој е составен дел на оваа уредба;
-Висината на директните плаќања изнесува 12.000 денари по хектар;
-Висината на директните плаќања од алинеја 3 од оваа подмерка се намалува со зголемување на пријавените површини и тоа за секој вид одделно: од 0,2 ха до 5 ха 100%, од 5,1 ха до 30 ха 60%, и над 30 ха 30%.
1.8. Дополнителни директни плаќања од подмерка 1.7. по обработлива земјоделска површина за одделни овошни видови
-Корисници на оваа подмерка се земјоделските стопанства кои имаат засадени површини со следните овошни видови: јаболко, слива, праска, круша, вишна, кајсија, цреша, јагода на отворено, малина, капина,
боровинка, дуња, мушмула, актинидија, маслинка, калинка, јапонско јаболко, смоква, аронија, шип, рибизла, гоџи бери, бадем, лешник, ореви и питоми костени, кои се корисници од подмерка 1.7 од оваа уредба и се регистрирани во Единствениот регистар на земјоделски стопанства;
-Висината на директните плаќања изнесува 29.000 денари по хектар, односно 38.000 денари по хектар за земјоделски стопанства со пријавена површина за финансиска поддршка од минимум 1 хектар до максимум 5 хектари за јаболко;
-Висината на директните плаќања изнесува 24.000 денари по хектар, односно 30.600 денари по хектар за земјоделски стопанства со пријавена површина за финансиска поддршка од минимум 1 хектар до максимум 5 хектари за: слива и праска;
-Висината на директните плаќања изнесува 21.000 денари по хектар, односно 27.600 денари по хектар за земјоделски стопанства со пријавена површина за финансиска поддршка од минимум 1 хектар до максимум 5 хектари за: круша, вишна, кајсија, цреша, јагода на отворено, малина, капина и боровинка;
-Висината на директните плаќања изнесува 13.000 денари по хектар, односно 18.000 денари по хектар за земјоделски стопанства со пријавена површина за финансиска поддршка до минимум 1 хектар и максимум 5 хектари за: дуња, мушмула, актинидија, маслинка, калинка, јапонско јаболко, смоква, аронија, шип, рибизла, гоџи бери, бадем и лешник;
-Висината на директните плаќања изнесува 3.000 денари по хектар, односно 6.000 денари по хектар за земјоделски стопанства со пријавена површина за финансиска поддршка од минимум 1 хектар до максимум 5 хектари за: ореви и питоми костени;
-Висината на директните плаќања од алинеите 2, 3, 4, 5 и 6 од оваа подмерка се намалува со зголемување на пријавените површини и тоа збирно за сите овошни видови: од 0,2 ха до 5 ха 100%, од 5,1 ха до 30 ха
60%, и над 30 ха 30%.
1.9. Дополнителни директни плаќања од подмерка 1.7. за овошни култури предадени во преработувачки капацитети
-Корисници на оваа подмерка се земјоделските стопанства кои имаат засадени површини со следните овошни видови: вишна, малина, капина, аронија, гоџи бери, кајсија, јагода и калинка и кои се корисници од подмерка 1.7. на оваа уредба, оствареното производство на овошје да е предадено во преработувачки капацитети за овошје директно или преку еден регистриран откупувач во период од 26 декември 2021 година до 25 декември 2022 година, вклучително и произведените овошни култури за потребите на сопствениот преработувачки капацитет, запишан во Регистарот на откупувачи на земјоделски производи;
-Висината на директните плаќања изнесува 3 денари по килограм;
-Максимални приноси на одделни овошни култури за реализација на оваа подмерка се дадени во Прилог 7 кој е составен дел на оваа уредба.
1.10. Директни плаќања по обработлива земјоделска површина за одржување на постоечки лозови насади
-Корисници на оваа подмерка се земјоделските стопанства кои имаат површини под лозови насади и се регистрирани во Единствениот регистар на земјоделски стопанства;
-Минималната површина под лозови насади е 0,2 ха, а минималниот потребен број на садници е 1.389 садници по хектар, за лозови насади подигнати до пролет 2021 година;
-Висината на директните плаќања изнесува 40.000 денари по хектар односно 48.000 денари по хектар за земјоделски стопанства со пријавена површина за финансиска поддршка од минимум 1 хектар до максимум 10 хектари;
-Висината на поддршката од алинеја 3 од оваа мерка се намалува со зголемување на пријавените површини и тоа: од 0,2 ха до 10 ха 100%, од 10 ха до 30 ха 60% и над 30 ха 30% збирно за сите сорти.
1.13. Директни плаќања за производство на домашен лозов и овошен саден материјал
-Корисници на оваа подмерка се правни лица запишани во Регистарот на снабдувачи за саден материјал кои имаат произведен лозов и/или овошен саден материјал во 2022 година согласно Законот за семенски и саден материјал за земјоделски растенија и имаат добиено сертификат за конечно сертифициран саден материјал;
-Произведени и продадени домашни лозови и/или овошни садници најдоцна до 30 април 2023 година;
-Висината на директните плаќања изнесува 30 денари по лозов и 35 денари по овошен садник од категоријата САС (стандарден) саден материјал за произведени и продадени садници;
-Висината на директните плаќања изнесува 35 денари по лозов и 40 денари по овошен садник од повисока категорија на сертифициран саден материјал за произведени и продадени садници.
