Земјоделците се соочуваат со огромен пораст на производствените трошоци и се обидуваат да најдат излез од оваа ситуација.
Цените на ѓубривата во Европа се превисоки, што ќе резултира со нови финансиски трошоци за производителите, а веќе влијае и на цената на храната во светот.
Рекордни нивоа
„Европа е најтешко погодена од намалувањето на производството на вештачки ѓубрива како резултат на зголемувањето на цените на природниот гас. Цените на минералните останаа на рекордно ниво дури и кога цените на уреата паднаа во Северна Америка“, се вели во извештајот на аналитичарите на Блумберг, кои за пример ја посочуваат Унгарија каде што употребата на азотни ѓубривата оваа сезона ќе падне за околу 30 до 40 отсто.
Се предвидува дека нашиот континент во првиот дел од годината ќе се соочи со дефицит од 9 отсто од годишните потреби за овој вид ѓубрива.
„Додека европските земјоделци се подготвуваат да применуваат прихрана на нивните полиња по зимата, високите цени на нутритирнтите не им оставаат друг избор освен да ги користат помалку и да се обидат да ги намалат трошоците“, се вели во извештајот.
„За одгледувачите на основни намирници како пченка и пченица, ова е првпат да се соочат со вистинска криза предизвикана од недостиг на енергија, извозни ограничувања и трговски санкции“, истакнуваат аналитичарите на ВТБ Капитал, пренесува Agrarheute со напомена дека купувањето на ѓубриво и агрохемикалии потребни за зимските култури кои сега излегуваат од состојба на мирување чини многу повеќе. „Дополнителните трошоци би можеле негативно да влијаат на пролетната сеидба, која сочинува околу една третина од производството на житарки во Европа.
Европските фабрики поради високите цени на природниот гас или го намалуваат производството или го прекинуваат. Ова ќе доведе до дополнително намалено снабдување со ѓубрива. Дополнително, нивната цена, како и цената на гасот ја зголемува кризата меѓу Русија и Украина.
Од компанијата Yara Fertilizers, како најголем европски производител на азотни ѓубрива, изјавуваат дека рекордно високите цени на природниот гас во Европа сериозно влијаат на маржите за производство на амонијак и дека морале да го намалат обемот на производство во нивните погони. Проблем се и санкциите против Белорусија.
Трошоците за инпути за земјоделците во САД исто така драстично пораснаа, а голем проблем е производството на пченка, во чие производство земјата глобално е на прво место. Поради големата потреба на оваа култура од минерални ѓубрива, голем број производители планираат да ја намалат нејзината количина или да одгледуваат други култури, пред се соја. Истата ситуација е во Јужна Америка, првенствено Бразил и други делови од светот.
