Откако меѓународните санкции воведени кон Белорусија ја прекинаа испораката на калиумова сол, поради што норвешката компанија „Јара“ за производство на ѓубрива остана без суровини, од таа земја доаѓа веста дека калиумовата сол ќе се испорачува преку руските пристаништа, изјави портпаролот на Кремљ, Дмитриј Песков на прес-конференција.
Пратките биле пренасочени од литванските во руските пристаништа, наведува Ројтерс, бидејќи Литванија не дозволува користење на нејзината железница за испорака на ѓубрива произведени од државната компанија „Belaruskali“ и ги извезува преку нејзината подружница „Belarus Potash Company“ (BPC). Таа е втор најголем светски производител на оваа суровина, која е важен извор на странски приходи. Како што знаеме, санкциите што ги воведоа САД и ЕУ како одговор на политиката на претседателот на Белорусија, Александар Лукашенко, ќе траат до 1 април.
BPC извезува и во Бразил и Индија
Русија е сојузник на таа земја, но проблемот е што нејзините пристаништа на Балтичкото Море немаат доволно слободен капацитет за 12,5 милиони тони што „Belaruskali“ ги произведува годишно.
Покрај во Русија, BPC извезува и во Кина, Бразил и Индија. Индија планира да купи еден милион тони од ова ѓубриво, а според Ројтерс, тие и предложиле на BPC да отвори сметка во државната банка на Индија во рупии бидејќи поради ограничувањата не може да тргува во долари и евра.
Европската комисија вели дека Индија не спаѓа во групата земји што се одлучиле за забрана, па на нив останува да одлучат дали ќе работат со „угнетувачки, нелегитимен режим“.
„Санкциите на ЕУ се обврзувачки за земјите членки и за оние кои се усогласиле со нив“, рече портпаролот на ЕУ.
Кога станува збор за Индија, таа веќе ја обезбедува оваа суровина со увоз, а една петтина, од четири до пет милиони тони вкупно годишно, доаѓа од Белорусија. Очекуваат попуст за оваа пратка, бидејќи во таа земја има големо поскапување, откако се зголемија цените на ѓубривата. Затоа го субвенционираат купувањето на на увозниот за да им биде попристапен на нивните земјоделци, за што годинава издвоија 14 милијарди долари.
Ја договараат цената
Засега се разговара за цената. Минатата година, BPC се согласила да испорача калиумова сол во Индија за 247 американски долари по тон, но подоцна тие преговараа за 280 долари/т.
Извор: agroklub.rs
