На 25 септември премиерот Зоран Заев и министерката за одбрана Радмила Шекеринска го промовираа Центарот за поддршка на компании за настап на НАТО пазарот. Беше најавено дека Центарот нема да дава само административни услуги туку сеопфатна партнерска поддршка до компаниите бидејќи „колку повеќе домашни компании учествуваат и успеваат да добијат НАТО – тендери, толку подобра ќе биде и домашната економија’.
Со членството на Република Северна Македонија во НАТО – Алијансата и по усогласувањето на домашното Законодавство, домашните компании имаат можност да учествуваат на набавките објавени за потребите на НАТО и земјите-членки, чија вредност надминува 5 милијарди евра годишно.
Министерството за одбрана формираше Центар за поддршка на компаниите при учество на тендерите на Алијансата кој нуди целосна, сеопфатна поддршка за секоја домашна компанија која ќе пројави интерес.
Ве повикуваме да се пријавите за упис во евиденцијата на економски оператори, кои може да се регистрираат за учество на јавни набавки за потребите на НАТО и земјите – членки. Сè што треба да направите е електронски да поднесете Барање за упис во евиденција на економски оператори, на електронската ареса [email protected], или во архивата на Министерството за одбрана.
Доколку, пак, веќе сте регистрирани и имате интерес да учествувате на НАТО јавна набавка, а за истото ви е потребна Потврда за исполнетоста на условите за учество во постапките за набавки за потребите на НАТО и нејзините земји-членки, може електронски да поднесете Барање за издавање на потврда за исполнетост на услови за учество во постапките за набавки за потребите на НАТО и нејзините земји-членки, на електронската адреса [email protected], или во архивата на Министерството за одбрана.
Огласите за јавните набавки на НАТО и земјитe членки можете да ги следните на следниве линкови:
NATO SUPPORT AND PROCUREMENT AGENCY NATO COMMUNICATIONS AND INFORMATION AGENCY
Контакт лице од Центарот за поддршка на компаниите
Владимир Анчев
[email protected]
тел: 02/328 20 42
Поврзани документи:
- Правилник за формата и содржината на барањето за упис во евиденцијата на економски оператори, начинот на водење на евиденцијата, содржината на евиденцијата, формата и содржината на потврдата за упис во евиденцијата на економски оператори и начинот на достапност на информациите за тековните набавки за потребите на Северноатлантската договорна организација и нејзините земји членки во зависност од степенот на класификација.
- Правилник за начинот на проверка и потврдување на исполнетоста на условите за учество во постапките за набавки за потребите на Северноатлантската договорна организација и нејзините земји-членки и содржината на потврдата за исполнетоста на условите за учество во постапките за набавки за потребите на Северноатлантската договорна организација и нејзините земји-членки.
