Компировата гангрена е болест која се шири низ целиот свет. Тоа е болест која предизвикува штета првенствено на складираниот компир, но може да се појави и на стеблото. Главните симптоми се на клубените во форма на мали темни дамки кои се со неправилна форма. Ткивото под епидермисот подоцна добива темно кафеава до црна боја и на напречниот пресек е јасно одвоено од здравиот дел на клубенот. Дамките на клубените изгледаат како отпечаток од прст а подоцна имаат форма на големи гангренозни рани.
Гангрената на компирот предизвикува големи штети во магацинот
Повеќето инфекции се јавуваат при отстранување на компирот, кога покожицата на кртулата е оштетена или непосредно пред вадењето. Клубените се инфицираат обично кога влагата во почвата е висока. Инфицираните клубени се наизглед здрави, сѐ додека не се повредат при транспорт или за време на класификацијата или при изложување на ниски температури околу 4 степени Целзиусови.
Сузбивањето на оваа болест се сведува на употреба на здрав саден материјал, како и намалување на механичките повреди и оштетувања на клубените. Во првите десет дена по вадењето на клубените, тие треба да се чуваат на 15 степени Целзиусови за да зараснат раните. Хемиското сузбивање вклучува употреба на системски фунгициди базирани на тиабендазол.
