Уште пред да дојде до пад на цените на свињите во Кина, кинеското Министерство за земјоделство официјално ги намали залихите со нов петгодишен план. Нивната цел е да ја обезбедат понудата, но и да ги стабилизираат цените.
Тие во моментов планираат да достигнат 41 милион грла за периодот од 2021 до 2025 година, што, како што е наведено, во никој случај не треба да биде помало од 37 милиони. Претходните цели беа до 43 милиони грла.
Но, и покрај плановите на Владата, бројот на грла продолжи да опаѓа во последните месеци, што е проблем и за малите, но пред сѐ за големите одгледувачи.
Поддршка од 200 евра по маторица
Цените што паѓаат еднакво брзо како порано, носат долгови кај големите фарми. Да потсетиме, пред две години растот ги доведе до дополнителни инвестиции. Огромни комплекси беа изградени на неколку ката. За тоа, се разбира, земаа заеми, па падот на цените не им оди во прилог.
И државните субвенции за поттикнување на свињарството, исто така имаа ефект врз зголемувањето на производството. На пример, некои провинции платиле дополнителни 1.500 јуани, што е речиси 200 евра за секоја маторица оставена за размножување. Тоа довело до огромни залихи.
Индексот на потрошувачките цени објавен кон средината на септември покажа дека цените за овој вид месо во август се намалиле за 45% на годишно ниво.
Според податоците на локалното Министерство за земјоделство, тие се продаваат на големо по цена од околу 20 јуани за килограм (2,63 евра). За споредба, во екот на епидемијата на африканска свинска чума (АСА) кон крајот на 2019 година и почетокот на 2020 година, свинското месо чинеше 50 јуани за килограм (6,60 евра).
Извор: agroklub.rs
