Белорускиот производител на трактори Minks (MTW) го претстави својот прототип на автономен трактор од марката Беларус без кабина, на кој не му е потребен возач за да управува со него. Станува збор за модел A3523i кој може да се надгледува преку далечинско управување.
Опремен е со дизел-електричен (хибриден) мотор кој има 350 коњски сили и електромеханички пренос, наведува Future farming. Во дизјанот на оваа земјоделска машина е користен електормеханички континуирано променлив пренос кој ја елиминира рамната кинематичка врска на дизел моторот со погонски тркала.
Тоа овозможи, при зададената сила, да се оставри брзина и обртен момент во начинот на максимален ефект на горивото. Како резултат, неговата потрошувачка во текот на земјоделските операции се намалува за седум проценти, а во текот на транспортните операции и до 12 проценти во споредба со сличните трактори со механички пренос. Покрај тоа, нивото на емисии на штетни гасови е намалена за 10 пати.
Наместо возач, новиот прототип има паметен систем на управување кој за тоа користи камери, сензори и ГПС систем. Тие му овозможуваат да работи самостојно но и спречува судари. Исто така, ако остане без гориво овој трактор сам ќе дојде до складиштето каде што е горивото. Во текот на работата на поле постигнува брзина од 15 км на час, додека по патот се движи со брзина од 50 км/ч.
Погледнете како изгледа неговата работа со плуг од осум бразди:
Извор: agroklub.com
