Согласно Законот за изменување и дополнување на законот за основање на Агенција за финансиска
поддршка во земјоделството и руралниот развој („Сл. весник на РМ“ бр. 190/2019) целокупната
документација наведена во Јавениот повик на ИПАРД II Мерка 7 – Диверзификација на фарми и развој на бизниси, потребно е да биде доставена во моментот на поднесување на барањето за финансиска поддршка, во спротивно барањето ќе биде одбиено.
Документите кои се доставуваат во прилог на барањето за користење на средства
од ИПАРД Програмата (2014-2020) треба да се оригинал или копија заверена на нотар, доколку не
е поинаку определено покрај самиот документ. Доколку документацијата е на друг јазик,
треба да биде придружена со превод на македонски јазик заверен од овластен преведувач.
Документите што се издаваат врз основа на јавните книги или востановен систем на евиденција,
не треба да бидат постари од три месеци сметано од денот на објавување на јавниот повик, со
исклучок на документите кои го потврдуваат исполнувањето на обврските за платени даноци и
придонеси, кои не треба да бидат постари од еден месец сметано од денот на објавување на јавниот
повик.
Направени се неколку олесувања околу документацијата со цел апликантите да можат да достават комплетна документација, а воедно да го запазат рокот за поднесување апликации, кој истекува на 22 август 2021 година.
- Во ПРИОРИТЕТЕНИОТ СЕКТОР 2 – ПРОИЗВОДСТВО НА ПРЕХРАНБЕНИ ПРОИЗВОДИ И ПИЈАЛОЦИ
СИТЕ СПЕЦИФИЧНИ ДОКУМЕНТИ ПОТРЕБНИ ЗА ОВОЈ ПРИОРИТЕТЕН СЕКТОР АГЕНЦИЈАТА ЌЕ ГИ ДОБИЕ ПО СЛУЖБЕНА ДОЛЖНОСТ. БАРАТЕЛОТ НЕ Е ДОЛЖЕН ДА ДОСТАВИ ДОКУМЕНТИ СПЕЦИФИЧНИ ЗА ОВОЈ ПРИОРИТЕТЕН СЕКТОР. - Истото важи и за ПРИОРИТЕТЕНИОТ СЕКТОР 5 – ОБЕЗБЕДУВАЊЕ НА УСЛУГИ ВО ЗЕМЈОДЕЛСТВОТО. СИТЕ СПЕЦИФИЧНИ ДОКУМЕНТИ ПОТРЕБНИ ЗА ОВОЈ ПРИОРИТЕТЕН СЕКТОР АГЕНЦИЈАТА ЌЕ ГИ ДОБИЕ ПО СЛУЖБЕНА ДОЛЖНОСТ. БАРАТЕЛОТ НЕ Е ДОЛЖЕН ДА ДОСТАВИ ДОКУМЕНТИ СПЕЦИФИЧНИ ЗА ОВОЈ ПРИОРИТЕТЕН СЕКТОР.
- Сите апликанти за планираната инвестиција треба да достават:
ОДОБРЕНИЕ ЗА :
• ИЗГРАДБА НА НОВ ОБЈЕКТ
• РЕКОНСТРУКЦИЈА НА ПОСТОЕЧКИ ОБЈЕКТ
• АДАПТАЦИЈА НА ПОСТОЕЧКИ ОБЈЕКТ
• ДОГРАДБА НА ПОСТОЕЧКИ ОБЈЕКТ
• НАДГРАДБА НА ПОСТОЕЧКИ ОБЈЕКТ
• ИЗВЕДЕНА СОСТОЈБА,
а кои истата нема да бидат во можност да ја обезбедат до крајниот рок предвиден за поднесување на документацијата, при апликацијата треба да достават ИЗЈАВА ОД БАРАТЕЛОТ ДЕКА РЕЛЕВАНТНОТО ОДОБРЕНИЕ ЌЕ СЕ ДОСТАВИ ДО ДЕНОТ НА ДОНЕСУВАЊЕ НА РЕШЕНИЕТО ЗА ОДОБРУВАЊЕ НА БАРАЊЕТО ЗА ФИНАНСИСКА ПОДДРШКА, НО НЕ ПОДОЛГО ОД 1 ГОДИНА ОД ДЕНОТ НА ПОДНЕСУВАЊЕ НА БАРАЊЕТО.
- За сите планирани инвестиции прифатливи во Мерката 7 од ИПАРД програмата потребно е да се достави
-РЕШЕНИЕ ЗА ОДОБРЕН ЕЛАБОРАТ ЗА ЗАШТИТА НА ЖИВОТНА СРЕДИНА, ИЛИ
-РЕШЕНИЕ ЗА ОДОБРЕН ЕЛАБОРАТ ЗА ЗАШТИТА НА ЖИВОТНА СРЕДИНА СО ОДОБРЕН
АКЦИОНЕН ПЛАН, ИЛИ
-А ИНТЕГРИРАНА ЕКОЛОШКА ДОЗВОЛА, ИЛИ
-Б ИНТЕГРИРАНА ЕКОЛОШКА ДОЗВОЛА,
Апликантите кои исто така нема да можат да го добијат ваквото решение до крајниот рок предвиден за апликација, потребно е да достават Доказ за ПОДНЕСЕНО БАРАЊЕ ЗА ИЗДАВАЊЕ НА А ИЛИ Б ИНТЕГРИРАНА ЕКОЛОШКА ДОЗВОЛА, ИЛИ
ПОДНЕСЕНО БАРАЊЕ ЗА ИЗДАВАЊЕ ЕЛАБОРАТ ЗА ЗАШТИТА НА ЖИВОТНАТА СРЕДИНА.
- Во однос на ПРИОРИТЕТЕН СЕКТОР 7 – ПРОМОЦИЈА НА РУРАЛЕН ТУРИЗАМ, треба да се достави:
-РЕШЕНИЕ ЗА ВРШЕЊЕ НА УГОСТИТЕЛСКА ДЕЈНОСТ ЗА
-СМЕСТУВАЊЕ И/ИЛИ
-ПОСЛУЖУВАЊЕ ХРАНА
– РЕШЕНИЕ ЗА КАТЕГОРИЗАЦИЈА ИЗДАДЕНО ОД ОПШТИНАТА ИЛИ МИНИСТЕРСТВО ЗА
ЕКОНОМИЈА.
Сепак, овие документи ќе мора да ги достават само оние апликанти кои ќе аплицираат за инвестиции во веќе постоечки сместувачки капацитети и /или угостителски објекти. Додека пак за сите сместувачки капацитети и /или угостителски објекти кои се предвидени да се градат во текот на реализација на инвестицијата овие документи ќе се достават пред исплата на средствата, односно кога ќе се изгради и заврши објектот.
Потсетуваме дека, финансиски средства по поединечно барање се доделуваат како неповратна финансиска
поддршка (грант) во износ од:
– 65% од вредноста на вкупно прифатливите трошоци на инвестициите за мерка 7 –
Диверзификација на фарми и развој на бизниси.
Крајниот рок за поднесување на барањата е 22 август 2021 година.
Вкупната финансиска поддршка во рамките на овој јавен повик изнесува:
9.604.431,00 евра или во денарска противвредност 592.545.370,75 денари, со можност во
текот на јавниот повик износот да се зголеми.
