На 21 јуни годинава, село Канатларци го зафати силно невреме проследено со град. Земјоделците јавија за огромни штети на насадите со тутун, пипер и бостан.
Една нив беше и земјоделката Кате Бандеска, чии 2 декари под тутун беа погодени од град. Штетата беше евидентна. Но после првичното, разбирливо разочарување, Кате презема активности да го спаси тутунот.
-Градот беше со големина колку орев, 15 минути врнеше и луѓето тука претрпеа големи штети на производството. Јас имам насадено 7 декари под тутун, од кои 2 декари беа речиси целосно уништени. Слична состојба имав и лани и поучена од тоа позитивно искуство, повторно се повикав на органските препарати со кои го спасив тутунот. Неколкукратно третирање со Панамин, а потоа продолжив и со друг вид на органска прихрана и резултатот еве го гледате – вели Кате.
Според неа, недостига поголема едукација на земјоделците на терен за предностите кои ги нудат органските препарати за заштита и прихрана, со што може да се спаси родот од штети, но и да се зголеми приносот и квалитетот.
-Не знаат земјоделците, а некои и не веруваат, затоа е потребна поголема едукација на терен, да се уверат. Инаку не се скапи препаратите а се многу делотворни. Ние со сопругот годинава си насадивме и домати и пиперки кои ги третираме само со органски препарати и сме презадоволни – заклучува Кате.
