При посететата на Преспанскиот регион од страна на министерот за земјоделство и директорот на УХМР, земјоделците искажаа сомнеж за квалитетот на ракетите за засејување на облаците и заштитата од град. На ова објаснување дадоа и директорот на УХМР и министерот Хоџа, се работи за истиот реагенс, односно ракети кои останале од лани неискористени, но условите секогаш се различни.
Повеќе од видеото на Агротим.
Неодамна Преспанскиот регион повторно беше зафатен од невреме од град, кое предизвика штета на насадите со јаболка. На терен веднаш излезе локалната власт и градоначалникот Живко Гошаревски ги повика земјоделците да започнат да ги пријавуваат штетите.
На помош на земјоделците веднаш пристигна и првиот човек на министерството за земјоделство, Арјанит Хоџа, кој заедно со производителите се увери во направената штета од невремето.
- Во разговор со оштетените земјоделци, констатиравме дека штетата би била многу поголема без авионската интервенција против град, за која цел е извршено засејување на градоносните облаци со сребрен јодид. Но и во вакви случаи тука сме да помогнеме што треба. Општина Ресен, неодамна објави Јавен повик со кој ги повика земјоделците чии површини имаат претрпени штети да ги пријават – изјави Хоџа.
