Во 2019 година, фармата на крави лоцирана во пристаништето Ротердам во Холандија го привлече вниманието на целиот свет. Пливачката фарма е отворена во 2019 година за да се покаже како производството на храна може да биде помалку ранливо од климатските промени. Dutch News пренес дека две животни досега веќе паднале во вода.
Телето паднало во вода во декември минатата година, а кравата кон крајот на април годинава. Животното тешко од 600 до 800 килограми, службите за итни случаи го извлекувале од водата повеќе од еден час.
„Падна во вода затоа што момчето што работи на фарма ја оставило отворена оградата, а истото се случи минатата година со телето кога тоа го направи еден посетител“, тврди Питер ван Вингерден, извршен директор на „Беладон“, кој стои зад целиот проект.
Кога работникот ги повикал службите за итни случаи, во рок од четири минути пристигнале пет автомобили на противпожарната служба, две нуркачки екипи, пристанишни бродови и еден куп новинари.
„Пожарникарот ми рече дека оваа техника за спасување е добра за учење бидејќи ова е нов начин на одржливо размножување во ерата на климатските промени. Досега, во градот спасувале само мачки од дрвја“, забележува директорот.
Вингерден го посочи фактот дека животните паѓаат во вода дури и при редовно пасење и дека сточарите мора да ги спасуваат. Доказ за тоа е кравата која неодамна се одвоила од своето стадо близу германскиот град Дуизбург за време на пасење, истрчала кон каналот Дортмунд-Емс и паднала во вода, соопшти локалната полициска канцеларија. Полицијата ја следела 300 метри со чамец за да доплива до насипот и да излезе од водата. Ја пречекал камион за добиток и била вратена на фармата.
