Осите често се омразени инсекти и многумина се плашат од нив. Сепак, осите се и корисни. Тие помагаат во борбата против штетниците, тие се моќни производители на антибиотици и опрашувачи на растенијата.
За оние кои се прашуваат која е целта на постоењето на осите, сега има сеопфатен одговор. Според најновите истражувања, тие се корисни предатори за инсектите штетници, произведуваат антибиотици, успешно ги опрашуваат растенијата.
Предностите на овие инсекти беа откриени во првиот голем научен преглед на услугите на екосистемот, кој се фокусираше на 33.000 познати видови оси, кои живеат во сите делови на светот.
Отровот од оса што може да се ослободи за време на убод, исто така се испитува како супстанцијаа што може да помогне во создавање лекови против рак.
Многу популации на инсекти исчезнуваат, но осите се чини дека се поотпорни од повеќето роднини, па успеваат да се прилагодат на различните услови за живот и да преживеат.
Иако се чини дека тие се избегнуваат дури и помеѓу ентомолозите во истражувањата, научниците веруваат дека се потребно многу повеќе истражувања за да се разберат осите.
„Кога им велам на луѓето дека ги проучувам осите, тие се прашуваат која е нивната цел и зошто на пример, не ги проучувам пчелите, кои, како што ми велат, се многу покорисни. Меѓутоа, луѓето не се свесни колку не знаат за осите “, рекла професорката Сиријан Самнер од Универзитетскиот колеџ во Лондон.
Осите се всушност предци на пчелите, па така пчелите се оси кои заборавиле како се лови, сликовито објаснуваат научниците.
„Осите во очите на луѓето може да бидат исто толку вредни како и другите сакани инсекти како пчелите, само ако им дадеме поголема шанса“, додава д-р Самнер.
Студијата, објавена во списанието „Biological rewuse“ , анализирала 500 научни извештаи за убоди на оси. Познати се 100.000 видови оси и се проучени доста добро. Оние што ловат веќе се користат во земјоделството за контрола на штетници.
Осите се главните предатори во светот на инсектите. Најновите истражувања откриле дека обичните оси можат да го контролираат видот црв што ги напаѓа бразилските посеви на пченка и молецот што ја јаде шеќерната трска.
Околу 1.000 видови оси кои ловат се социјални бидејќи живеат во заедница, тие се одлични за еколошкиот бизнис.
Од друга страна, „осите што живеат сами, имаат отров кој содржи неверојатен коктел што го парализира пленот, а содржи и многу антибиотици“, објаснува професорката Самнер.
„Многу оси ги закопуваат своите јајца со парализиран плен за да обезбедат храна откако ќе се изведат. Значи, тие сакаат да бидат сигурни дека храната е правилно конзервирана. Антимикробните својства на осите веќе одамна се препознаваат во традиционалната медицина“, додава професорката.
Нејзиното истражување собрало докази дека осите посетуваат најмалку 960 растителни видови, од кои 164 се целосно зависни од нив поради опрашување, вклучувајќи ги и орхидеите.
Надминувањето на предрасудите кон осите нема да биде лесно, сметаат научниците, бидејќи тие веќе долго време се презентираат како опасни, влакнести, грди инсекти
Сепак, научниците со нетрпение ја очекуваат иднина во која клучните улоги на осите во многу аспекти на човековото здравје и благосостојба за човештвото ќе бидат препознаени и ценети.
Извор: dobrojutro
