Ѓумбирот е едногодишна тропска зачинска билка. Овој корен е карактеристичен по лутиот вкус и важи за специфичен зачин или додаток во јадењата, кој се става во супи, салати, главни јадења, варива, но и во алкохолни напитоци.
Најмногу (30 до 40% од светското производство) се одгледува во Индија, на околу 63.000 ха со просечен принос од 3 т/ха. За лична употреба е можно да се одгледува во сопствената градина или во саксија на балконот.
Цветовите на ѓумбирот се со бела, жолта или розева боја, во зависност од видот.
Ѓумбирот содржи состојки кои го забрзуваат метаболизмот, силен оксиданс е и одличен за детоксикација на организмот.
Иако нема никакво штетно делување, не се препорачува да се консумира повеќе од 5 грама дневно.
Покрај тоа што има уникатен мирис и вкус, коренот од ѓумбир важи и за едно од најлековитите растенија во природата. Карактеристичен е по лутиот вкус и важи за специфичен зачин или додаток во јадењата, кој се става во супи, салати, главни јадења, варива, но и во алкохолни напитоци.
Освен што ќе го подобри вкусот, тој многу ќе помогне и во зајакнувањето на имунитетот.
Иако е достапен во продавниците за храна и на зелените пазари, доколку сакате да се обидете, многу лесно можете да го одгледате и самите.
Како да му ја зачувате свежината?
Доколку на пазар и во продавница непланирано сте купиле поголемо количество ѓумбир, најверојатно сте во дилема како правилно да го чувате и складирате, а притоа храната да не ја изгуби свежината, лековитоста и вкусот.
Свежиот ѓумбир можете да го чувате во фрижидерот, но најмногу пет дена. Единствено на што треба да внимавате во тој период е ѓумбирот да биде складиран заедно со лушпата.
Можете да го исушите
Најздрава варијанта за чување на ѓумбирот е да го исушите. Оваа постапка е многу брза и едноставна.
Коренот треба внимателно да го излупите, да го исечете на тенки крукчиња и да го наредите во тава за печење. Вака подготвениот ѓумбир ставете го во претходно загреана рерна на 50 степени да се суши околу два часа.
Откако ќе поминат двата часа, исклучете ја рерната и оставете го ѓумбирот внатре да се суши додека рерната комплетно не се излади.
Кога ѓумбирот ќе се излади, складирајте го во стаклени тегли, кои цело време ќе бидат затворени.
Во замрзнувач
Како најлесна и наједноставна варијанта за чување и за складирање на ѓумбирот е коренот на растението да се чува во замрзнувач.
На тој начин, може да стои околу осум месеци.
Сепак, пред да го складирате ѓумбирот, препорачливо е да го излупите и да го исечкате на тенки ленти или на ситни коцки.
Пред употреба, вадете од замрзнувачот само онолку ѓумбир колку што ви е потребно за подготовка на посакуваниот рецепт.
