Зошто е добро да се јадат моркови?

Mорковите имаат ниско ниво на калории, содржат висок процент нутриенти и се со низок гликемиски индекс.

Еден морков од 78 грама во себе има само 30 калории, 110 отсто од дневната потреба од витамин А, 8 отсто од дневната потреба од растителни влакна и 7 отсто од препорачаната дневна количина на калиум.

Витаминот А кој го содржат морковите, не само што го подобрува видот, туку истото го прави и со имуниот систем. Влакната кои потекнуваат од пектинот кој го содржи морковот, се добри за одржување на нивото на шеќер во крвта, а воедно помагаат во намалување на метаболизмот на шеќер и скроб.

Калиумот помага во одржување на крвниот притисок, контрола на мускулните контракции, ги одржува нервите здрави. Морковите исто така се богати со ликопен, што значи дека го намалува ризикот од рак. Витаминот К помага во одржување на здрава крв, лутеинот е одличен за очите, додека антиоксидансите што ги содржи се многу благотворни за здравјето.

Морковите се добри затоа што се еднакво вкусни свежи, во салата или како прилог печени, динстани…