На денешната средба на министерот Хоџа со оризопроизводителите, повторно се разговараше за состојбата со откупот и пласманот на оризот од овогодинешната реколта.
Пандемијата директно влијаеше на овој сектор, но сепак заеднички ќе се обидеме да го надминеме и овој предизвик. Министерот Хоџа, неодамна беше домаќин на турската делегација, предводена од министерот за земјоделство Бекир Пакдемирли, со кого разговараа за можноста за извоз на ориз и тутун во Турција.
Преговорите се во тек. Со оризопроизводителите и откупувачите кои присуствуваа на денешната средба, беа разменети информации и размислувања околу подадената рака на пријателска Турција, и во таа насока министерот Хоџа изјави дека се надева на позитивни вести кои би ги соопштил на некоја од наредните средби.
Активната комуникација и ангажман на сите инволвирани продолжува понатаму. Наредната средба е закажана за идната недела.
