Февруари е месец кога полека но сигурно се најавува доаѓањето на пролетта, па со самото тоа има повеќе земјоделски активности отколку што имало во претходните месеци.
Прочитајте кои активности се прават во градината во февруари:
- Се сее: морков, магдонос, цвекло, грашок, грав, лук.
- Во затворен (заштитен) простор се сее: пролетна зелка, пролетен кељ, пролетна салата, домат, пиперка.
- Се сади: лук, пролетна зелка, пролетен кељ и артичока.
- Се бере: морков, магдонос, блитва, зимска зелка, зимски кељ, салата, спанаќ, праз.
Февруари е месец кога треба детално да се прегледа преостанатиот зеленчук во складиштата и треба да се отстранат сите заболени плодови.
Ако не сте ја подготвиле почвата уште од есента и ако времето е топло, сега е вистинско време тоа да го направите, а воедно и да ја дезинфицирате.
Февруар е месец кога се собира биоенергетски материјал за загревање на пластениците. Тој се става во јама, потоа се набива и се покрива, се додека не се употреби за одгледување на расад за ран зеленчук.
Се подготвуваат леите во пластениците каде што ќе се прави сеидбата. Ако е топло времето, а тлото добро се исушило, се врши обработка на почвата, ѓубрење и предсеидбена подготовка на земјиштето за култури кои се сеат или садат на крајот на месецот или во март.
Извор: agrosavjet.com
