Властите во Сингапур одобриле за продажба пилешко месо произведено во лабораторија. Ваквото месо се произведува во стартап компанијата “Eat Just” од Сан Франциско.
Месото е произведено од мускулни клетки на животните, а во почетокот ќе се продава во форма на медалјони (nuggets). Всушност не станува збор за пилиња одгледани лабораторија туку за парчиња месо направени во лабораторија. Компанијата сеуште не навела кога точно овој нејзин производ ќе биде достапен на пазарот.
Ваквото решение за производство на алтернативни месни производи, доаѓа како резултат на се поголемата загриженост на потрошувачите за здравјето и благосостојбата на животните и заштита на животната средина.
Но дали е навистина така? Некои научници, пишува bbc, сметаат дека ова производство би можело да биде уште полошо за животната средина и за климатските промени од конвенционалното производство на месо.
Освен тоа станува збор за многу скапо производство. Еден пилешки медалјон ќе чини 50 американски долари. Можеби цената за некое време ќе се намали но и понатаму ќе биде скапо, појаснуваат од компанијата.
Кога станува збор за безбедноста на храната, сингапурската регулаторна агенција за храна соопшти дека, пилешкото од лабораторија е безбедно за консумирање и дека во процесот на производство не се користени антибиотици.
Извор: Agroklub.rs
