Фактот дека во светот нема доволно храна, на овие наши простори тешко може да се разбере.
Ситуацијата е дополнително искомлицирана со појавата на корона вирусот. Безбедноста на храната и достапноста до земјоделско – прехрамбените производи во сите земји во свeтот станаа приоритет.
“Растете, негувајте, одржувајте, заедно”. Ова е мотото на годинашниот Светски ден на храната што се слави денес, 16 октомври.
Организацијата за храна и земјоделство (ФАО) е основана во рамките на Обединетите нации во 1945 година, а во 1980 година Генералното собрание на организацијата го усвои одбележувањето на овој ден поради фактот што храната е предуслов за опстанок и благосостојба на луѓето и основна човечка потреба.
Целта е да се подигне јавната свест за проблемот со недостатокот на храна во светот и да се зајакне солидарноста на земјите во борбата против гладот, неухранетоста и сиромаштијата.
Иако во развиените земји има многу храна и се троши премногу, постои глад во сиромашните земји.
Годишно се фрлаат 88 милиони тони храна
Историјата на фрлањето на храната е тесно поврзана со глобализацијата. Во светот, синџирите на снабдување стануваат подолги, а понекогаш сезонските производи се достапни скоро насекаде во светот поради увозот во текот на целата година. На тоа често долго патување на производите од фарма до трпеза, се губи многу храна, а свежото овошје, зеленчукот, млечните производи и месото се особено ранливи.
Проценето е дека 1,3 милијарди тони храна се консумира на глобално ниво годишно, а дури 88 милиони се фрлаат.
Според податоците на ФАО, најмногу храна се фрла во земјите и со високи и со ниски приходи. Во земјите со ниски примања, загубите најчесто се јавуваат во фазите на производството, ракувањето и складирањето.
Најновиот извештај за храна од Европската комисија покажува дека состојбата е алармантна. Последните четири години бележат најголемо зголемување на гладот во светот. Во 2019 година, околу 135 милиони луѓе во 55 земји во светот немаа доволно храна и побараа помош. Се проценува дека дури 75 милиони деца гладуваат, додека од друга страна, 17 милиони од нив се дури и премногу и го трошат.
Ковид -19 зададе дополнителен удар
Глобалната здравствена криза предизвикана од пандемијата на вирусот Ковид-19 е време кога треба да размислиме за работите за кои навистина се грижиме и за нашите најосновни потреби. Овие неизвесни времиња принудија многумина да почнат да ценат повторно нешто што некои го земаат „здраво за готово“.
Храната е суштината на животот и темелот на нашите култури и заедници. Одржувањето пристап до квалитетна и здрава исхрана ќе продолжи да биде важен дел од одговорот на пандемијата, особено за сиромашните и ранливи заедници кои се најмногу погодени од неа, што е резултат и на економските шокови.
Државите, приватниот сектор и граѓанското општество мора да обезбедат производство на различни прехрамбени производи со што заеднички ќе го хранат се побројното население во светот, со тоа ќе ја одржуваат планетата.
Секој жител на планетата Земја сега е неопходен и има клучна улога во заштитата на прехрамбениот циклус.
Извор: Агроклуб
