Денеска Владата потпиша договор со компанијата „ВИК“ од Германија, за втор инвестициски проект во вредност од околу 2,5 милиони евра и нови 100 работни места за граѓаните од Прилеп и околните населени места. Во првиот циклус, компанијата има инвестирано 10,5 милиони евра и вработено 250 лица во ТИРЗ Прилеп.
Договорот кој го потпиша вицепремиерот задолжен за економски прашања, Fatmir Bytyqi со генералниот менаџер на компанијата ВИК, Вернер Шоеб, е уште еден доказ дека во нашата држава има предвидливо деловно опкружување, позитивна и стабилна клима за инвестирање.
Ова е уште еден доказ дека се вложува во економијата, се поттикнуваат странските инвестиции со забрзан раст и нови, добро платени работни места за граѓаните. Се изедначуваат критериумите за државна поддршка и се проширува достапноста до сите компании, независно од потеклото на капиталот.
Полноправното членство во НАТО и отворените преговори за членство во ЕУ, но и отворениот и инклузивен пристап кон креирање на позитивна бизнис клима ги потврдуваат заложбите на Владата за создавање услови за побрз развој, одржлива и конкурента македонска економија.
