Бизнис-секторот има важна улога во процесот на спречување на корупцијата и спроведувањето на механизми за подигање на свеста за одговорно однесување и во приватниот и во јавниот сектор.
На денешниот работен состанок со претседателката на Сојузот на стопански комори, Данела Арсовска и со претставници од комората, бев информиран за процедурата за функционирање на Антикорупциската-бизнис коалиција, чијашто основна цел е превенција од корупција не само од аспект на тој што е корумпиран, туку и низ призмата на оној што корумпира, односно дава мито.
Како заменик-претседател на Владата задолжен за борба против корупцијата и криманалот, одржлив развој и човечки ресурси, ќе посветиме сериозно внимание на решавање на проблемот со корупцијата, имплементација на регулативата, координација на институциите, но и отворање на конкретни случаи.
Во целиот овој процес од големо значење ќе биде и соработката со Сојузот на стопански комори на полето на борбата со корупцијата.
Фејсбук статус на Љупчо Николовски – Заменик-претседател на Владата задолжен за борба против корупцијата и криманалот, одржлив развој и човечки ресурси
