Во овој период е актуелно летното производство на градинарски култури на отворено и во затворен простор. Кај овие култури во овој период забележуваме зголемена појава на штетните инсекти, пред се лисниот минер на доматот, совици, калифорниски трипс, лисни вошки и белокрилка, а од болестите забележуваме појава на пламеница, пепелница и црна дамкавост.
Во доматот, изминатите неколку години главен проблем од штетните инсекти е лисниот минер на доматот (Tuta absoluta), потоа совиците и белокрилката. Tuta absoluta се карактеризира со висок репродукционен потенцијал, и секоја женка може да положи до 300 јајца, а во затворен просотор може да продуцира од 10 до 12 генерации годишно. Затоа, за сузбивање на овој штетник на доматот, неопходна е примена на соодветни инсектициди. Со хемиска заштита против овој штетник потребно е да се започне уште при производсвото на расад, како и после расадувањето на постојано место. За сузбивање на овој штетник препорачуваме примена на следните инсектициди: SPINTOR 240 SC (spinosad 240 g/l), CORAGEN 20 SC (chlorantraniliprol 200 g/l), ALVERDE (metaflumizon 240 g/l), HARPUN (piriproxyfen 100 g/l) или POLUX (deltamethrin 25 g/l). SPINTOR 240 SC делува контактно и дигестивно, и делува на сите стадиуми од развојот на Тuta absoluta, јајца, ларви и имага, и дозволен e за примена во органско производство. CORAGEN 20 SC делува на стадиумите јајца и ларви, ALVERDE делува на ларвите, HARPUN делува на јајцата, а POLUX делува на пеперутките. Заради високиот капацитет за репродукција и брз развој на една генерација (24 дена на тремпература од 27°C), неопходно е кога притисокот од штетникот е голем да се скрати бројот на денови помеѓу две прскања, да се прави комбинација од два или три инсектициди кои делуваат на различни стадиуми од развојот на штетникот, и имаат различен механизам на делување, и тоа:
- SPINTOR 240 SC 0,5 L/ha + HARPUN 1 L/ha + POLUX 0,5 L/ha;
- CORAGEN 0,2 L/ha + ALVERDE 1 L/ha + POLUX 0,5 L/ha;
- SPINTOR 240 SC 0,5 L/ha + CORAGEN 0,2 L/ha + POLUX 0,5 L/ha;
Наведените инсектициди покрај Тuta absoluta ефикасно ја сузбиваат и памуковата совица Helicoverpa armigera во доматот другите градинарски култури.
За сузбивање на белокриката (Trialeurodes vaporariorum) во доматите го препорачуваме инсектицидот CLOSER 120 SC (sulfoxaflor 120 g/l) во доза од 0,4 L/ha, кој е системичен инсектицид и делува контактно и дигестивно. CLOSER 120 SC покрај белокрилката ги сузбива и лисните вошки. HARPUN исто така е ефикасен за сузбивање на белокрилка во градинарските култури, делува на јајцата и ларвите од белокрилката и го спречува полагањето на јајца од страна на женките, а при посилен напад и заради сузбивање на имагата може да се комбинира со CLOSER 120 SC.
За сузбивање на причинителот на пламеница на доматот го препорачуваме фунгицидот AXIDOR (propamocarb-hidrochloride 400 g/l + cymoxanil 50 g/l) во доза од 2,5 L/ha или VALIS PLUS (valifenalate 60 g/kg + bakar hydroksid 150 g/kg + bakar oxyhlorid 150 g/kg) во доза од 2,5 kg/ha, а за сузбивање на причинителот на сиво гниење, пепелница и црна дамкавост го препорачуваме фунгицидот SIGNUM 33 WG (boscalid 267 g/kg + pyraclostrobin 67 g/kg), во доза од 1 до 1,5 kg/ha или FONTELIS (penthiopyrad 200 g/l) во доза од 2 L/ha.
Во производството на пиперка главен проблем се лисните вошки, белокрилката, памуковата совица и калифорнискиот трипс. За сузбивање на лисните вошки и белокрилка во пиперката го препорачуваме инсектицидот CLOSER 120 SC 0,4 L/ha, за сузбивање на памуковата совица препорачуваме примена на SPINTOR 240 SC 0,5 L/ha, CORAGEN 20 SC 0,2 L/ha или ALVERDE 1 L/ha, а за сузбивање на калифорниски трипс SPINTOR 240 SC 0,5 L/ha. За сузбивање на причинителот на пламеница во пиперката препорачуваме PROFILUX (cymoxanil 45 g/kg + mancozeb 680 g/kg) 2,5 kg/ha, VALIS PLUS 2,5 kg/ha или RANMAN TOP (cyazofamid) 0,5 L/ha, а за сузбивање на пепелница, црна дамкавост и сиво гниење SIGNUM 33 WG во доза од 1 до 1,5 kg/ha или FONTELIS 2 L/ha.
Во краставицата и корнишонот оваа сезона забележуваме зголемена појава на калифорнискиот трипс, и за негово сузбивање го препорачуваме инсектицидот SPINTOR 240 SC во доза од 0,5 L/ha. Исто така забележуваме појава на лисни вошки и белокрилка и за нивно сузбивање го препорачуваме инсектицидот CLOSER 240 SC 0,4 L/ha. Од болестите, забележуваме појава на пламеница и за нејзино сузбивање го препорачуваме фунгицидот PROFILUX во доза од 2,5 kg/ha или RANMAN TOP 0,5 L/ha, додека за сузбивање на пепелница препорачуваме SIGNUM 33 WG 1 kg/ha или EMINENT 125 ME (tetraconazole) 0,4 L/ha.
Подготвил: м-р Васко Манев
ХЕМОМАК ПЕСТИЦИДИ
