Откако Италија стана епицентар на вирусот COVID -19 во Европа, тамошните трговци се соочија со голема криза. Велат дека никој повеќе не сака да купува од нивното овошје и зеленчук.
Се чини дека од последната вест за корона кризата во Италија помина доста време, мерките за заштита во поедини европски земји постепено се намалуваат, а работењето полека се враќа во нормала. Но, кога станува збор за овошјето и зеленчукот од оваа земја, купувачите на големо и понатаму покажуваат воздржаност што остава големи последици врз тамошната трговија.
Добриот квалитет, големиот избор и прифатливите цени не се доволни?
Моментално на пазарот има многу плодови набрани во влажните италијански региони.
– „Квалитетот е извонреден, на приемр кај нектарините. Овие сорти се повеќе достапни отколку оние со жолта боја. Цените се исто така вообичаени од 0,50 центи за килограм. Меѓутоа, побарувачката е мала, сите одат кон било кое друго овошје или она од друго потекло“, објаснува за Фрешплаза, Лино Мандука, сопственик на компанијата Italia Natur.
Според него, кризата има катастрофални последици за трговијата со храна, како краткорочно така и долгорочно. „Во екот на кризата, не бев во можност да работам неколку недели. Минатата недела прв пат во животот бев принуден да фрлам 50 сандаци со сицилијански дињи, иако квалитетот на стоката беше многу добар“, вели Мандука во страв дека, најмалку уште две години ќе се чувствуваат последиците од оваа криза.
Пазарот за италијанско грозје, инаку многу популарен сегмент во германската трговија, исто така се карактеризира со слаба потрошувачка. „Мртво е од почетокот на кампањата. Во согласност со тоа ги приалгодивме цените но и понатаму нема голем исчекор“, напоменува тој.
Ќе ја прошират понудата со моцарела, вино и фстаци?
Настанатата ситуацисија почнува да се заканува на бизнисот. „Луѓето се многу внимателни при купувањето на италијанска стока. Тоа е погубно за нашиот извоз. Меѓутоа имаме неколку лојални купувачи и тоа се главно трговци на неделните пазари или специјализирани продавници кои сеуште купуваат од нас“, вели тој.
Постои уште една алтернатива за да може компанијата, која постои повеќе од 30 години, да остане во игра. „Ќе го прошириме нашиот асортиман со други италијански познати производи, како моцарела, конзервирана стока, вино или фстаци. Но, мојата голема страст и понатаму останува на овошјето и зеленчукот“, заклучува Мандука.
Извор: Агроклуб
