Кремаста, ароматична и полна со вкус на зеленчук, оваа посна чорба е вистински избор за топол и вкусен оброк. Маринираните шампињони ѝ даваат посебна нота и одлично се вклопуваат со нежната текстура на зеленчукот.
Потребни состојки:
- 1 кг компири
- 4 моркови
- 1 поголем праз
- 1 помало парче целер
- 1 парче пашканат
- 2 супени лажици вегета
- 2 супени лажици сол
- Црн бибер по вкус
- 300 г маринирани шампињони
Подготовка:
Празот исечкајте го на ситни парчиња, а компирите, морковите, целерот и пашканатот излупете ги и исечкајте ги на покрупни парчиња. Ставете го зеленчукот во тенџере, додајте вода колку да го покрие, посолете, додајте ја вегетата и црниот бибер. Варете додека зеленчукот целосно омекне. Сварениот зеленчук изблендирајте го додека добиете мазна кремаста смеса.
По желба, одвојте малку компир и морков, исечкајте ги на ситни коцки и оставете ги за подоцна. Вратете ја крем-чорбата во тенџерето, додајте вода до посакуваната густина и оставете повторно да зоврие.
Додајте ги ситно исечканите маринирани шампињони и оставете уште неколку минути да се соединат вкусовите. На крај, додајте ги оставените коцки зеленчук, доколку користите, и зачинете по вкус.
Послужете ja топла.
МИА
