На Попова Шапка утрово се регистрирани -3 Целзиусови степени, 1 – Маврови Анови, 2 – Лазарополе, 3 – Крушево, 4 – Берово, Претор, 5 – Крива Паланка, Охрид, 6 – Виница, 7 – Куманово, Тетово, Прилеп, Битола, Кавадарци, 8 – Скопје-Зајчев Рид, Велес, Штип, Демир Капија, Струмица, 9 – Скопје-Петровец, 10 – Гевгелија, покажуваат податоците на Управата за хидрометеоролошки работи за до 8:30 часот денеска.
Според синоптичарите, времето во текот на денов ќе биде променливо облачно со сончеви периоди. По одделни котлини ќе има услови за појава на утринска магла. Ќе дува слаб до умерен ветер од северен правец. Максималната температура ќе биде во интервал од 12 до 18 Целзиусови степени.
Во Скопје, исто така се очекува променливо облачно време, со слаб до умерен ветер од северен правец. Максималната температура ќе достигне до 17 Целзиусови степени.
МИА
