Министерството за здравство информира дека заинтересираните граѓани кои спаѓаат во ризичните групи од денеска можат да се пријават за бесплатна вакцинација против сезонски грип преку веб-страницата vakcinacija.mk.
Со пополнување на електронската форма на сајтот, граѓаните директно се регистрираат во националниот систем „Мој Термин“. Согласно распоредот предвиден во планот за имунизација, пријавените граѓани ќе добијат СМС порака со информација за точниот датум и час кога треба да се вакцинираат на пунктот кој самите ќе го изберат при регистрацијата.
