Директорот на ДИЗ, Ивица Ангеловски информира за посета во општина Кривогаштани, каде што изврши увид на повеќе откупни пунктови на кои во моментов се одвива откупот на пченицата од годинашната реколта.
-Жетвата во овој регион е во полн ек, а според првичните информации од терен, се очекуваат добри приноси и квалитетен род, што е резултат на поволните временски услови и вложениот труд на земјоделските производители.
Државниот инспекторат за земјоделство, согласно своите законски надлежности ќе врши засилени инспекциски контроли на откупните пунктови со цел да обезбеди почитување на законските прописи, правилно утврдување на квалитетот и количината на откупената реколта, како и заштита на правата и интересите на земјоделските производители – пишува Ангеловски.
Фејсбук статус на Ивица Ангеловски
